نزیكەی 100 دۆنم پوش و پاوان لە ناحیەی سیتەك سووتا

لە ڕووداوێكی ئاگركەوتنەوەدا لە ناحیەی سیتەك نزیكەی 100 دۆنم پوش و پاوان سووتا، پۆلیسی دارستان و ژینگە دەڵێت، زەڕەبینێك هۆكاری ڕووداوەكە بووە.

بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند، دواى ئەوەى لەلایەن چەند هاوڵاتییەکى گوندى (نۆدێ و بزەینان) ئاگادارکرانەوە کە ئاگرێکى بەرفراوان کەوتۆتەوە، مەفرەزەکانى بنکەى پۆلیسى دارستانى سیتەک گەیشتنە شوێنى مەبەست، توانییان لە ماوەیەکى کەمدا بەهەماهەنگی لەگەڵ دانیشتووانى گوندەکە ئاگرەکە كۆنتڕۆڵبكەن.

زەرەر و زیانى ئاگرەکە سووتانی نزیکەى 100 دۆنم پوش، پاوان و دارى سروشتیى ناوچەكەیە، وەك ئەوەی پۆلیسی دارستان دەیڵێت.

ئاشكراشیكردووە، دواى گەڕان و پشکنینى شوێنەکە دەرکەوت (زەڕەبینێک) بووەتە هۆی بەرزبوونەوەى پلەکانى گەرما و هۆکارى کەوتنەوەى ئاگرەکە بووە.

پۆلیسی دارستان دەستخۆشیش لەو هاوڵاتی و گوندنشینانە دەكات كە خۆبەخشانە هاوكار و پشتیوانی هێزەكانیان بوون لە کوژاندنەوەی ئاگر و پاراستنی سروشت و ژینگەی ناوچەكەدا.

بابەتی پێشتر

دژەتیرۆر و پێشمەرگە لەگەڵ سوپای عێراقدا ئۆپەراسیۆنێكیان لە سنوورەكانی گەرمیان دەستپێكرد

بابەتی دواتر

پێشبینیی بارانبارین لە هەرێمی كوردستان دەكرێت

بابەتی پەیوەندیدار
زیاتر ببینە

قوباد تاڵەبانی لەیادی داگیركردنی شەنگالدا: هەنگاوەكانی ساڕێژكردنی ئەم برینە لە ئاستی پێویستدا نین

جێگری سەرۆکی حکومەتی هەرێمی کوردستان ڕایگەیاند، جینۆسایدی ئێزیدییەكان دەبێت هاندەری هەمووان بێت بۆ ڕێگرتن لە دووبارەبوونەوەی كوشتنی جیاوازییەكان…
Total
0
Share