ئەمڕۆ لە قەزای زاخۆ گەنجێکی تەمەن 26 ساڵ لەلایەن ئامۆزایەکییەوە بریندارکرا و دوای گەیاندنی بە نەخۆشخانە بەهۆی سەختی برینەکەیەوە گیانیلەدەستدا.
بەڕێوەبەرایەتیی پۆلیسی زاخۆ بڵاویکردەوە، “کاتژمێر 10:00 ی بەیانی ئەمڕۆ لە گوندی باکرمای سەر بە ناحیەی رزگاری گەنجێکی تەمەن 26 ساڵ بە ناوی (ح .ف.ر) لەلایەن ئامۆزایەکی خۆیەوە بە ناوی (ا.ط.ر) بە چەکی کڵاشینکۆف بریندارکرا”.
ئاماژەی بەوەشکرد، “گەنجەکە دوای گەیاندنی بە نەخۆشخانەی زاخۆی بەهۆی سەختی برینەکەیەوە گیانیلەدەستدا، تۆمەتبارەکەش خۆی رادەستی هێزە ئەمنییەکان کرد”.
ئاشکراشیکرد، “لێکۆڵینەوەکان لە رووداوەکە دەستیپێکردووە، بەپێی ماددەی 405 پەڕاوی لێکۆڵینەوە بۆ تۆمەتبارەکە کراوەتەوە”.
