لەگەڵ کۆتاییهاتنی پشووەکانی نەورۆز وەزیری تەندروستیی ئێران هۆشداری لەبەرزبوونەوەی حاڵەتەکانی تووشبوون بە ڤایرۆسی کۆرۆنا دا.
حسێن فەرشیدی وەزیری تەندروستیی ئێران رایگەیاند، “لە دوای کۆتاییهاتنی پشووەکانی نەورۆز و گەڕانەوەی هاوڵاتییان لە دەرەوەی وڵات بۆ ناوخۆی وڵاتەکە بەرزبوونەوەی بەخۆیەوە بینیوە”.
ئاماژەی بەوەشکرد، “بەشێک لەو نەخۆشخانەی سەردانی نەخۆشخانەکانیان کردووە، نیشانەکانی وەک سکچوون و رشانەوە و ئازاری قورگ و هەوکردنی جیوبەکانیان هەبووە”.
هاوکات ئەو بەرپرسەی ئێران هۆشداری لە خێرا بڵاوبوونەوەی ئەم شەپۆلەی کۆرۆنا و بەرزبوونەوەی ژمارەی تووشبووان دا و رایگەیاند، “ئەو مێژووە رەشەی رابردوو دووبارە دەبێتەوە، بەڵام بەکارهێنانی ماسک تا رادەیەک دەتوانێت رێگری لێبکات”.
بەپێی داتاکانی وەزارەتی تەندروستی ئێرانە لە 12 شاردا، گڵۆپی سووری “زۆر مەترسیدار”ی بڵاوبوونەوەی ڤایرۆسەکە هەڵکراوە.
