پەیمانگەی توێژینەوەی گەردونی لە میسر رایگەیاند، پێشبینیدەکرێت مانگی رەمەزانی ئەمساڵ 29 رۆژ بێت و 30 ی ئازار یەکەم رۆژی جەژن بێت.
پەیمانگەی توێژینەوەی گەردونی میسر بڵاویکردەوە، بەپێی لێکدانەوە گەردونییەکان مانگی شەوال لە نیوەڕۆی 29 ی رەمەزان کە هاوکاتە لەگەڵ 29 ی ئازاری 2025 لەدایکدەبێت.
ئاماژەی بەوەشکرد، لەکاتی لەدایکبوونی مانگی نوێ، بۆ ماوەی حەوت خولەک لە ئاسمانی شاری مەککەی سعودیە دەبینرێت، لە شاری قاهیرەی میسر دوای خۆرئاوابوون بۆ ماوەی 11 خولەک دەبینرێت.
ئاشکراشیکرد، بەپێی ئەو هەژمارکردنە رۆژی 30 ی ئازاری 2025 دەکاتە یەکەم رۆژی مانگی شەوال و یەکەم رۆژی جەژنی رەمەزان.
