ئەمڕۆ یەكشەممە شەپۆلێكی چڕی تەرزەبارین پارێزگای نەجەفی گرتەوە و 30 هەزار دۆنم زەویی كشتوكاڵیی وێرانكرد و زیانی زیاتر لە دوو ملیار دیناری بە جوتیاران گەیاندووە.
یەكێتیی گشتیی كۆمەڵەی جوتیارانی عێراق دەڵێت، “ئەمڕۆ تەرزە و بارانبارینی بەخوڕ زیانیان بە زیاتر لە 30 هەزار دۆنم زەویی كشتوكاڵیی قەزای مشخاب لە پارێزگای نەجەف گەیاندووە و زەوییە داچێندراوەكانیان وێرانكردووە”.
لەبارەی زیانە داراییەكانی تەرزەبارینەكەوە، ئەحمەد عیساوی ئەندامی یەكێتیی گشتیی كۆمەڵەی جوتیارانی عێراق ئاشكرایكرد، “بەپێی خەمڵاندنە سەرەتاییەكان، بەهۆی شكانەوەی رووەك و گژوگیاوە، ئەو زیانەی بەر زەوییە كشتوكاڵییەكان گەیشتووە زیاتر لە دوو ملیار دینارە”.
