بەرپرسانی یانەی ڕیاڵ مەدرید لەبارەی نوێکردنەوەی گرێبەستی کەریم بنزیمەی فەرەنسی-یەوە بڕیاریان نەداوە، ئەوەش یاریزانەکەی بێزارکردووە.
بەپێی زانیارییەکانی “سپۆرتس مۆڵ”، فلۆرنتینۆ پێرێزی سەرۆکی یانەی ڕیاڵ مەدرید بڕیاریداوە هێرشبەرێکی جێگرەوە بۆ پێگەکەی کەریم بنزیمە بکڕێت.
ئەو ناوانەی دیاریکراون گەورەن و ڕەنگە بتوانن کۆتایی بە هێرشبەرە فەرەنسییەکە بهێنن.
بریتین لە، کیلیان مباپێ، ئێرلینگ هالاند، گۆنسالۆ ڕامۆس (بەنفیکا)، ڕیچارلیسۆن (تۆتنهام)، هەندێک لە سەرچاوەکانی دیکەش ناوی دوشان ڤلاهۆڤیچ-ی هێرشبەری یوڤانتۆسی-یان وەک بژاردەی چوارەم دەستنیشانکردووە.
لەم نێوەندەدا گرێبەستی کەریم بنزیمە لە مانگی حوزەیرانی 2023 کۆتاییدێت و نوێ نەکراوەتەوە، ڕیاڵ مەدرید بڕیاری لەو بارەیەوە نەداوە و تەنانەت بێدەنگیشیان هەڵبژاردووە.
بنزیمە بەهۆی بێدەنگیی ئیدارەی ڕیاڵ بۆ نوێکردنەوەی گرێبەستەکەی، هەست بە توڕەیی دەکات.
