ئێوارەی ئەمڕۆ یەکشەممە رووداوێكی هاتوچۆ لە قەزای کەلار روویدا.
بەپێی راگەیەندراوی هاتوچۆی گەرمیان، رووداوەكە لە نزیک نەخۆشخانەی (لایف) لە سەنتەری قەزای كەلار روویداوە، بەهۆی پێکدادانی ئۆتۆمبێلێک لە جۆری مارسیدسی تایبەت و ماتۆڕسکیلێك دوو کەس برینداربوون كە شۆفێر و سەرنشینێكی ماتۆڕسکیلەکە بوون.
راگەیەندراوەكە ئاماژەی بۆ ئەوەش كردووە كە بریندارەکان بۆ وەرگرتنی چارەسەری پێویست، رەوانەی نەخۆشخانەی فریاکەوتنی شەهید هەژار لە كەلار کراون و لەلایەن تیمی هاتوچۆوە لێکۆڵینەوە لە رووداوەکە دەستیپێکردووە.
