دوای ژێرئاوکەوتنی بەلەمێکی کۆچبەران لە کەناراوەکانی ئیتاڵیا، حکومەتی ئەو وڵاتە بڕیاریدا سزای توند بەسەر قاچاخچیانی کۆچبەراندا بسەپێنێت.
لە کۆتایی مانگی شوباتدا بەلەمێکی کۆچبەران بە ژمارەیەک سەرنشینەوە لە نزیک کەناراوەکانی ئیتاڵیا ژێرئاوکەوت و بەهۆیەوە زۆرینەی ئەو کۆچبەرانەی تێیدا بوون گیانیان لەدەستدا و بەپێی ئامارەکان 70 کۆچبەر گیانیان لەدەستدا.
ئەمڕۆ هەینی، حکومەتی ئیتاڵیا بڕیاریدا بە زیندانیکردنی هەر قاچاخچییەکی کۆچبەران بۆ ماوەی 30 ساڵ کە هەوڵی پەڕاندنەوەی کۆچبەرانی نایاسایی بدات لە سنوورەکانەوە.
بەپێی حکومەتی ئەو وڵاتە بڕیارەکە لەپێناو بەرەنگاربوونەوەی بازرگانیکردن بە مرۆڤ تێپەڕاندنی سنوورەکانە بە نایاسایی کە ژمارەیەکی زۆر کۆچبەری تێدا بووەتە قوربانی.
