بانكی رافیدەین لە عێراق بڵاویكردووەتەوە، قەرز بە فەرمانبەران، كارمەندانی هێزەكانی ناوخۆ و خانەنشینان دەدات و پێدانی قەرزەكەش تەنها پەیوەستە بە بوونی ماستەر كارت كە لەرێگای بانكەوە مووچە وەربگرێت.
بەپێی راگەیەندراوێكی بانكە كە ئەمڕۆ هەینی بڵاویكردووەتەوە و تێیدا هاتووە، دەستكراوە بە پێدانی قەرز بە فەرمانبەران، كارمەندانی هێزەكانی ناوخۆ، خانەنشینان و بڕی قەرزەكەش لە پێنج ملیۆن دینارەوە دەستپێدەكات تا 25 ملیۆن دینار.
لە راگەیەندراوەكەدا هاتووە، هیچ مەرجێك دانەنراوە بۆ ئەو كەسەی خوازیارە سوودمەندبێت و تەنها مووچەكەی بەشێوەی ماستەر كارت بێت و لە رێگای بانكەوە بدرێت دەتوانرێت سوودمەند بێت لە وەرگرتنی قەرزەكە.
