هاتوچۆكردنی گەشتیاران لە مەرزی كێلێ لە سنووری ئیدارەی سەربەخۆی راپەڕین دەستیپێكرد و هاوڵاتییان دەتوانن لەوێوە سەردانی رۆژهەڵاتی كوردستان و ئێران بكەن.
پێشتر مەرزی كێلێ تەنها هاتوچۆی بازرگانیی لێوەدەكرا و لە ئێرانەوە شمەك و كاڵا هاوردەی هەرێمی كوردستان و شارەكانی ناوەڕاست و خوارووی عێراق دەكران.
سەرچاوەیەك لە كارگێڕیی مەرزەكەوە بۆ تۆڕی میدیایی ئێستا دوا و رایگەیاند، بە هەوڵی قوباد تاڵەبانی جێگری سەرۆك وەزیران، هاتوچۆی گەشتیاری لە مەرزی کێلێ دەستیپێکرد و هاوڵاتییانی هەرێمی كوردستان دەتوانن لەو رێگەیەوە سەردانی رۆژهەڵاتی كوردستان و ئێران بكەن.
مەرزی كێلێ یەكێكە لە دەروازە سنوورییەكانی نێوان هەرێمی كوردستان و رۆژهەڵاتی كوردستان و ئێران و رۆژانە نزیكەی 200 بارهەڵگر خۆراك، كەرەستەی بیناسازی و پیشەسازی لەوێوە هاوردەی هەرێمی كوردستان و عێراق دەكرێن.
