بەڕێوەبەرایەتیی هاتوچۆی گەرمیان بڵاویکردەوە لە رووداوێکی هاتوچۆدا ماتۆڕسوارێک بە سەختی برینداربووە و هیچ ناسنامەیەکی پێنییە و ناناسرێتەوە.
بەڕێوەبەرایەتیی هاتوچۆی گەرمیان بڵاویکردەوە، “ئەمڕۆهەینی رووداوێکی هاتووچۆ لە نێوان ئۆتۆمبێلێک لە جۆری ئاڵتیما و ماتۆرسکیل لە نێو شاری کەلار نزیک بازاڕی سۆران روویدا و شۆفێری ماتۆڕسکیلەکە رەوانەی نەخۆشخانەی فریاکەوتنی قەزای کەلار کراوە و تەندروستی ناجێگیرە”.
ئاماژەی بەوەش کرد، ” بەهۆی نەبوونی هیچ ناسنامەیەک بریندارەکە ناناسرێتەوە کە پانتۆڵێکی رەساسی و بلوزێکی رەشی لەبەردایە تەمەنی نزیکەی 16 ساڵانە”.
داوایشیکرد، ” هەرکەس زانیاری هەیە یا دەیناسێتەوە کەسوکاری ئاگاداربکاتەوە سەردانی نەخۆشخانەی فریاکەوتنی کەلار بکەن”.
