بەڕێوەبەرایەتیی كەشناسی و بومەلەرزەزانیی هەرێم، پێشبینییەكانی كەشوهەوا بۆ ئەمڕۆ و سبەینێ بڵاودەكاتەوە و پلەكانی گەرماش بەرزدەبنەوە.
بەپێی راگەیەندراوێكی بەڕێوەبەرایەتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان پەڵەهەور و نیمچەهەور دەبێت لە ناوچە شاخاوییەكان دەگۆڕێت بۆ هەوری تەواو و پلەكانی گەرما نزیكدەبێتەوە لە تۆماركراوەكانی ڕۆژی پێشوو.
لە راگەیەندراوەكەدا هاتووە، سبەینێ شەممە ئاسمان ساماڵ و پەڵەهەور دەبێت لە هەندێك ناوچە نیمچەهەور دەبێت و پلەكانی گەرما بەرزدەبنەوە بە نزیكەی 1 تـــا 2 پلە بە بەراورد بە تۆمارەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی:-
هەولێر : 21 پلەی سیلیزی
سلێمانی : 19 پلەی سیلیزی
دهۆك : 19 پلەی سیلیزی
كەركوك : 24 پلەی سیلیزی
هەڵەبجە : 20 پلەی سیلیزی
زاخۆ : 21 پلەی سیلیزی
سۆران : 18 پلەی سیلیزی
گەرمیان : 26 پلەی سیلیزی
