دوای نیوەڕۆی ئەمڕۆ رووداوێکی هاتوچۆ لە شەقامی سالم لە سلێمانی روویدا و بە هۆیەوە کەسێک برینداربوو.
بەڕێوەبەرایەتیی هاتوچۆی سلێمانی بڵاویکردەوە، “دوای نیوەڕۆی ئەمڕۆ ئۆتۆمبێلێکی تایبەت لە جۆری (نیسان ـ سەنی) لەسەر شەقامی سالم بەهۆی پابەند نەبوونی شۆفێرەکەی بە رێنماییەکانی هاتووچۆ و بێ ئاگاییەوە، کۆنتڕۆڵی لەدەستدا و خۆی بەستونێکدا کێشا”.
ئاماژەی بەوەش کرد، “لە ئەنجامی رووداوەکەدا سەرنشینێکی ناو ئۆتۆمبێلەکە بریندار بوو و گەیەندرایە نەخۆشخانە”.
