لە پارێزگای هەڵەبجە بڕێك خۆراك و پێداویستیی جوانكاری بەهۆی خراپ هەڵگیران ماوەبەسەرچوو دەستیبەسەردا گیرا.
بەپێی راگەیەندراوێكی قائیمقامی هەڵەبجە كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ لیژنەكەمان سەردانی چەندین ماركێت و سۆپەرماركێت و هەرزانبازاڕ و دوكانێكی مریشك فرۆشیان كرد.
لە راگەیەندراوەكەدا هاتووە، لە هەڵمەتەكەدا دەستگیرا كۆمەڵێك خواردن و تام و خواردنی لە قوتونراو و بڕێك بابەتی جوانكاریی ئافرەتان كە لە شوێنی شیاو هەڵنەگیرابوون یاخود بەسەرچووبوون و ئاگاداری ئاراستەی چوار شوێنكار كران.
ئاماژە بۆ ئەوەش كراوە، لە ئەگەری جێبەجێنەكردنی ڕێنمایەكان رووبەڕووی سزای داخستن یاخود لێپێچینەوەی دیكەی لیژنە دەبنەوە.
