بافڵ جەلال تاڵەبانی, سەرۆكی یەكێتیی نیشتمانیی, پەیامێكی پیرۆزبایی ئاڕاستەی سەرۆكی كۆمەڵی دادگەریی دەكات و دەڵێت، “گەرمترین پیرۆزبایی لە بەڕێزتان و سەرجەم ئەندام و لایەنگرانی كۆمەڵ دەكەم و وەك هەمیشە هیوای سەركەوتنی زیاترتان بۆ دەخوازم”.
دەقی پەیامەكەی سەرۆكی یەكێتی:
بەڕێز/ مامۆستا عەلی باپیر، سەرۆكی كۆمەڵی دادگەریی كوردستان
بەبۆنەی هەڵبژاردنەوەتان بە سەرۆكی كۆمەڵی دادگەریی كوردستان، گەرمترین پیرۆزبایی لە بەڕێزتان و سەرجەم ئەندام و لایەنگرانی كۆمەڵ دەكەم و وەك هەمیشە هیوای سەركەوتنی زیاترتان بۆ دەخوازم.
رۆڵی بەڕێزتان و كۆمەڵی دادگەری لە گۆڕەپانی سیاسیی كوردستاندا بەرزدەنرخێنین و جەخت لە گەشەپێدانی پەیوەندییەكانمان و هاریكاریی نێوانمان دەكەینەوە لەپێناو یەكخستنی هەوڵە نیشتمانییەكان و رێكخستنەوەی ماڵی كورد.
هەرێمی كوردستان و ناوچەكە بە قۆناغێكی هەستیاردا تێدەپەڕن و كاری پێكەوەیی هەموو هێز و لایەنە سیاسییەكان پێویستییەكی لەپێشینەیە بۆ تێپەڕاندنی ئەم دۆخە و خزمەتكردنی زیاتری هاونیشتمانییان.
سەربەرز و سەركەوتووبن.
بافڵ جەلال تاڵەبانی
سەرۆكی یەكێتیی نیشتمانیی كوردستان
