بەڕێوەبەرایەتیی گشتیی بەرەنگاربوونەوەی توندوتیژی دژی ژنان و ئافرەتان و خێزان رایگەیاند، 22 هەلی کاریان هەیە بۆ ناو کامپەکان و بەپێی پارێزگاکان دابەشدەکرێت.
لە راگەیەندراوەکەدا هاتووە، ئاگاداری سەرجەم خوازیاران دەکەینەوە، 23/2/2023 دوا وادەیە بۆ پێشکەشکردنی سی ڤییەکان.
بەپێی راگەیەندراوەکە، ئەو 22 هەلی کارە بەمجۆرە دابەشبووە، “چوار کەس پارێزگای سلێمانی، هەشت کەس بۆ هەولێر و 10 کەسیش بۆ پارێزگای دهۆک دەبێت”، راشیگەیاندووە، دەبێت لە سەبتایتڵی ئیمەیلەکەدا سنووری پارێزگاکە بنووسن.
ئاماژە بەوە کراوە، “ئاگادارتان دەکەینەوە سیڤیەکانتان بۆ ئەو ئیمەیلە ( [email protected] ) بنێرن، ئەوەی ناردوێتی دووبارە بۆ ئەم ئیمەیلە بینێرێت، یان راستەوخۆ بیدەنە پرسگەی بەڕێوەبەرایەتی گشتی بەرەنگاربوونەوەی توندوتیژی دژی ئافرەتان و خێزان لە پارێزگای هەولێر”.
مەرجەکان/ بۆ ئەوانەی داواکاری پێشکەش دەکەن:
-دەرچووی بەشی (دەرووناسی-کۆمەلناسی-یاسا)بێ، یان ئەزموونی کارکردنی لەم بوارانە هەبێت.
– ئەزموونی کارکردنی لەگەڵ ئاوارە و پەنابەران هەبێت.
– زمانی کوردی و عەرەبی بزانێت، زانینی زمانی ئینگلیز چانسی زیاترە.
– داواکار هیچ پابەندیەکی تری نەبێت، واتە: فەرمانبەر نەبێت لە کەرتی حکومی یان تایبەت دا.
– پێشینەی تاوانی نەبێت لە تاوانە گەورەکان یان تاوانە ئابرووبەرەکاندا.
– کێشەی هاتووچۆی لە نێوان شارەکانی هەرێمی کوردستان نەبێت.
– شارەزابێت لە بەکارهێنانی کۆمپیوتەر، بەرنامەکانی مایکرۆسۆفت ئۆفیس.
– گرێبەستەکە بۆ ماوەی 10 مانگ دابێت.
– موچەی مانگانە 400,000 دینارە لەلایەن رێکخراوی UNHCR دابین دەکرێت.
