وەزارەتی تەندروستی هەرێم بەمەبەستی بەرەنگاربوونەوەی نەخۆشی تای خوێنبەربوون کۆمەڵێک رێککاری و بڕیاری بڵاوکردەوە کە تێیداهاتووە، سەربڕینی ئاژەڵ لە ماڵاندا قەدەغەیە.
وەزارەتی تەندروستیی هەرێم لە نووسراوێکدا کە ئاڕاستەی بەڕێوەبەرایەتییەکانی تەندروستی پارێزگا و ئیدارە سەربەخۆکانی کردووە رایگەیاندووە، “بەمەبەستی بەرەنگاربوونەوەی پەتای تای خوێنبەربوون سەربڕینی ئاژەڵ لە ماڵاندا بە هەموو شێوەیەک قەدەغەیە و تەنها لە شوێنی رێگەپێدراو دەبێت”.
لە بەشێکی دیکەی نووسراوەکەدا هاتووە، “لەدوای سەربڕینی ئاژەڵ و پارچەکردنی شوێنەکە بە فاست و ئاو پاکژبکرێتەوە، پۆشینی جلی رەنگ کاڵ بۆ ئەو شوێنانەی ئاژەڵی تێدا بەخێودەکرێت بۆ ئەوەی لە حاڵەتی لەخۆگرتنی گەنە ببینرێت”
هەر بەپێی نووسراوەکە، “پێویستە گۆشتفرۆشەکان جلی قۆڵدرێژ بپۆشن و دەستکێش لەدەستبکەن لەسەر تەختەی تایبەتی گۆشت لەت بکەن”.
