بەڕێوەبەرایەتیی رووبەڕووبوونەوەی تاوانەکان ئاشکرایکرد، تۆمەتبارێکیان دەستگیرکردووە کە بازرگانیی بە کچان و ژنان کردووە.
لە راگەیەندراوێکی بەڕێوەبەرایەتیی رووبەڕووبوونەوەی تاوانەکانی بەغداد رایگەیاند، “تۆمەتبارێکمان دەستگیرکردووە کە پێشتر داواکراوبووە لەلایەن دادگای بەغدادەوە بە تۆمەتی ئەوەی بازرگانیی بە کچان و ژنانەوە کردووە”.
ئاماژە بەوەشکراوە، دوای ئەوەی زانیاری کۆکرایەوە سەبارەت بەو تۆمەتبارە و لێکۆڵینەوە لە تاوانەکەی لێکۆڵینەوە لەلایەن تیمێکی تایبەتمەندەوە دەستیپێکرد و توانرا تۆمەتبارەکە دەستگیربکرێت.
لە راگەیەندراوەکەدا هاتووە، پەڕاوی لێکۆڵینەوە بۆ تۆمەتبارەکە کراوەتەوە بەپێی ماددەی شەشەمی یاسای بەرەنگاربوونەوەی بازرگانیکردن بە مرۆڤەوە.
