ئەمڕۆ چوارشەممە لە فڕۆكەخانەی نێودەوڵەتیی هەولێر و لە كاتی نۆرەگرتن بۆ كڕینی دۆلار بە نرخی 132 هەزار دینار بۆ هەر دراوێكی جۆری 100 دۆلاری، شەڕ لە نێوان چەند هاوڵاتییەكدا دروستبوو.
بەپێی زانیارییەكان، هۆكاری دروستبوونی شەڕەكە نۆرەبڕی بووە و چەند كەسێك بۆ بەدەستخستنی دۆلار هەوڵیانداوە پێش ئەوانی دیكە بكەون و بەو هۆیەوە شەڕ دروستبووە.
بە بڕیاری بانكی ناوەندیی عێراق، لە فڕۆكەخانەكاندا 100 دۆلار بە 132 هەزار دینار دەفرۆشرێت بە گەشتیاران و بەو هۆیەوە قەرەباڵغی لەسەر كڕینی دۆلار لە فڕۆكەخانەی نێودەوڵەتیی هەولێر دروستبووە.
