پۆلیسی سلێمانی دەستگیرکردنی دوو کەسی راگەیاند کە تۆمەتباربوون بە دزینی ئۆتۆمبێلێک.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی هاوڵاتییەك لە بنكەی پۆلیسی رزگاری سكاڵای تۆماركرد كە ئۆتۆمبێلەكەی لێبراوە ، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری داوەر توانرا لە ماوەیەكی كەمدا و لە لایەن بنكەی پۆلیسی رزگارییەوە دوو تۆمەتبار دەستگیربكرێن و دەستیش بگیرێت بەسەر ئەو ئۆتۆمبێلەدا كە تۆمەتباران بردبوویان.
ئاشکراشیکرد، لە ئێستادا هەریەكە لە تۆمەتباران (ب،أح) و(م،ق،م) بە بڕیاری دادوەر راگیراون و لە لایەن بنكەی پۆلیسی رزگارییەوە پەڕاوی لێكۆڵینەوەیان بۆ كراوەتەوە.
