جێگری سەرۆكی رێكخراوی یەكێتیی مامۆستایانی كوردستان رایدەگەیەنێت، ئەنجومەنی وەزیرانی هەرێم پڕۆژەیەكیان بۆ پلەبەرزكردنەوەی مامۆستایان و فەرمانبەران ئاراستەی ئەنجومەنی ڕاژەی هەرێم كردووە كە كاری لەسەر بكرێت و رێنمایی پێویستی بۆ دەربكرێت و دەشڵێت، “زۆر بەخاوی كار لەسەر ئەو پڕۆژەیە دەكرێت كە تایبەتە بەپلەبەرزكردنەوەی مامۆستایان و فەرمانبەران”.
عەبدولواحید محەمەد جێگری سەرۆكی رێكخراوی یەكێتیی مامۆستایانی كوردستان لە لێدوانێكدا بە تۆڕی میدیایی ئێستای راگەیاند، راگرتنی پلەبەرزكردنەوەی مووچەخۆران پێشێلكردنی یاسایە و بەدواداچوونمان بۆ بابەتی دەستپێكردنەوەی پلەبەرزكردنەوەی مووچەخۆران لەلایەن حكومەتەوە كردووە.
راشیگەیاند، ئەنجومەنی وەزیران پڕۆژەیەكی تایبەت بە پلەبەرزكردنەوەی مامۆستایان و فەرمانبەران خستووەتە بەردەم ئەنجومەنی ڕاژە تا بە وردیی دیراسەی ئەو پڕۆژەیە بكات و رێنمایی پێویستی لەبارەوە دەربكات، بەڵام گرفتەكە لەوەدایە زۆر بەخاوی كار لەسەر ئەو پڕۆژەیە دەكرێت كە تایبەتە بە پلەبەرزكردنەوە.
