هونەرمەند دڵشاد مستەفا لە لێدوانێكدا بە تۆڕی میدیایی ئێستای راگەیاند، لە كۆبوونەوەی ئەمڕۆمان لەگەڵ بافڵ جەلال تاڵەبانی سەرۆكی یەكێـتیی نیشتمانیی كوردستاندا چەند بڕیارێكی گرنگی لە بەرژەوەندیی هونەر و هونەرمەندان دەركرد، كە خودی سەرۆك بافڵ جەختی لە چارەسەركردنی ئەو گرفتانە كردەوە و كە سەرجەم بڕیارەكانیشی لە بەرژەوەندیی هونەر و كەلتوور بوو لە هەرێمی كوردستاندا.
راشیگەیاند، لە كۆبوونەوەكەدا سەرۆكی یەكێتی بڕیاری چالاككردنی چالاكییە هونەرییەكانی لە شاری سلێمانیدا و لە هەمانكاتدا بڕیاریدا خەڵاتێكی ئەدەبی و هونەری لە سلێمانی بۆ هونەرمەندان دروستبكرێت كە هەر خۆشی پشتیوانی لێدەكات.
ئاشكراشیكرد، “بافڵ جەلال تاڵەبانی بڕیاریدا چەند پەیوەندییەكی باش و تۆكمە لە بواری كەلتوور و هونەر لەگەڵ وڵاتانی دەرەوە بۆ سلێمانی رێكبخات هاوكات پشتیوانی لە دەستپێكردنەوەی سەرجەم ئەو پڕۆژە هونەرییانەش كرد كە پێشتر بەهۆی نەبوونی بودجەوە ڕاگیرابوون.
