بانکی چەمچەماڵ مووچەخۆران ئاگاداردەکاتەوە و وادەی دابەشکردنی مووچەی خانەنشینانی شارستانی لە بەڕێوەبەرایەتیی چاودێری کۆمەڵایەتی ئاشکرادەکات.
ئەمڕۆ پێنجشەممە، بانکی چەمچەماڵ ئاگادارییەک ئاراستەی مووچەخۆران دەکات و رایدەگەیەنێت، ئەو مووچەخۆرانەی خانەنشینی شارستانی کە سەر بە بەڕێوەبەرایەتیی چاودێری کۆمەڵایەتین و ئەمڕۆ مووچەیان وەرنەگرتووە، رۆژی شەممە 15ی ئازار مووچەکانیان دابەشدەکرێت.
ئاماژەی بەوەشداوە، هەرچەندە دابەشکردنی مووچەکانیان دەکەوێتە پشووی رەسمییەوە، بەڵام مووچەکانیان دابەشدەکرێت دەتوانن بۆ ئەو مەبەستە سەردانی بانکی چەمچەماڵ بکەن.
هاوکات، ئاگادارییەکە لە کاتێکدایە، کە ئەمڕۆ مووچەی مانگی شوبات بەسەر خانەنشینانی شارستانی، خاوەن پێداویستییە تایبەتەکان، زیندانییە سیاسییەکان و بەرکەوتووانی کیمیاباران دابەشکرا.
