ئێوارەی ئەمڕۆ لە سنووری ناحیەی رزگاری سەر بە قەزای کەلار لە رووداوێکی هاتوچۆدا ماتۆڕسوارێک گیانیلەدەستدا.
بەڕێوەبەرایەتیی هاتوچۆی گەرمیان بڵاویکردەوە، “ئێوارەی ئەمڕۆ پێنجشەممە لەناحیەی رزگاری سەربە قەزای کەلار لە ئەنجامی لێخوڕینی خێرا ماتۆڕسکیلێک خۆیکێشا بە کەپری ماڵێکدا و لەئەنجامدا شۆفێرەکەی گیانیلەدەستدا”.
ئاماژەی بەوەشکرد، “قوربانییەکە ناوی کاروان فەرحان عوسمان-ە لە دایکبووی ساڵی 1999 یە دانیشتووی ناحیەی رزگارییە”.
