قوباد تاڵەبانی رایدەگەیەنێت، ” كەركوك كە شارێكی فرە پێكهاتەیە و پێویستی بە بەهێزكردنی گیانی پێكەوەژیانی ئاشتییانەیە”.
قوباد تاڵەبانی رایگەیاند، “لە كۆبوونەوەم لەگەڵ مامۆستایانی ئایینیی كەركوك باسمان لەوەكرد وەك چۆن لە هەموو قۆناغەكاندا رۆڵی گرنگیان بینیوە لە پاراستنی ئارامی و سەقامگیری كۆمەڵگادا، لەم قۆناغەشدا لە شاری كەركوك پێویستە رۆڵی بنەڕەتی ببینن لە بەهێزكردنی گیانی پێكەوەژیانی ئاشتییانە و برایەتی لە نێوان پێكهاتەكانی ئەو شارەدا”.
وتيشی، “لە كۆبوونەوەكەدا، مامۆستایان باسیان لە كێشە و گرفتەكانی خۆیان كرد و ئێمەش بەڵێنمان پێدان هەرچیمان پێبكرێت لە خزمەتكردنیان درێغی ناكەین”.
