بەڕێوەبەرایەتیی گشتیی تەندروستیی گەرمیان لە کاتی پشوودا بەردەوامە لە دابەشکردنی مووچەی فەرمانبەران.
بەڕێوەبەرایەتیی گشتیی تەندروستیی گەرمیان دەڵێت، دەوامکردنی فەرمانبەرانی بەشی ژمێریاری و لیژنەی مووچە لە دیوانی بەڕێوەبەرایەتیی گشتیی تەندروستیی گەرمیان لە کاتی پشوودا بەردەوامە بە مەبەستی دابەشکردنی مووچەی فەرمانبەران.
بەهۆی ئەگەری روودانی بومەلەرزەوە، حكومەتی هەرێمی كوردستان سێ رۆژ پشووی فەرمیی راگەیاندووە كە رۆژانی سێشەممە، چوارشەممە و پێنجشەممەی ئەم هەفتەیەن و پشووەكان هەموو دامودەزگاکانی هەرێمی کوردستان بە ناوەندەکانی خوێندنی حکومی و ناحکومیی هەردوو وەزارەتی پەروەردە و خوێندنی باڵاوە دەگرنەوە.
دوای راگەیاندنی پشووەكان، وەزارەتی دارایی و ئابوری جەختیكردەوە، لە رۆژانی پشووی ئەم هەفتەیەدا پرۆسەی دابەشکردنی مووچەی فەرمانبەران بەپێی خشتەی راگەیەندراو بەردەوام دەبێت.
