لە دوو رووداوی هاتوچۆدا 14 کەس برینداربوون و کەسێک گیانیلەدەستدا.
بەڕێوەبەرایەتیی هاتوچۆی کەرکوک بڵاویکردەوە، لە رووداوێکی هاتوچۆدا لەسەر رێگای فڕۆكەخانەی كەركوك کچێک گیانیلەدەستداوە و 12 کەس برینداربوون.
رووداوەکە لەنێوان ئۆتۆمبێلێكی جۆری جێب و تۆیۆتایەكی دەبڵ-دا روویداوە، هەردوو ئۆتۆمبێلەکە خێزانیان تێدابووە.
رووداوی دووەم لەسەر هەمان رێگە روویداوە و ئۆتۆمبێلێكی جۆری BMW خۆی بە عەمودێكی كارەباییدا کێشاوە و بەهۆیەوە هەردوو سەرنشینەكەی بە سەختی برینداربوون.
بەپێی بەڕێوەبەرایەتیی هاتوچۆی کەرکوک هۆکارەکەی خێرایی و پابەندنەبوونی شۆفێرەکان بووە بە ڕێنماییەکانەوە.
