بەشدار حەسەن، پارێزەری كورد بووە براوەی خەڵاتی جیهانیی مافەكانی مرۆڤ بۆ ساڵی 2022، كە خەڵاتەكە ساڵانە وەزارەتی دەرەوەی ئەمریكا دەیبەخشێت بە دوو باشترین كەسایەتی لەسەر ئاستی جیهاندا كە جێدەستیان لە بواری بەرگریكردن لە مافی مرۆڤ دیاربووە.
بەشدار حەسەن، سەرۆكی تیمی پارێزەرانی خۆبەخشی زیندانییانی بادینان لە لێدوانێكدا بە تۆڕی میدیایی ئێستای راگەیاند، “لەسەر ئاستی جیهان ساڵانە لە سەرەتای مانگی شوباتەوە وەزارەتی دەرەوەی ئەمریكا دوو باشترین كەسایەتیی خەڵات دەكات بە تایبەت ئەو كەسانەی كە بەرگری لە مافەكان مرۆڤ دەكەن و رێوڕەسمەكەش لە واشنتن بەڕێوەدەچێت و ناوی خەڵاتەكەش: Human Rights Defenders Award”.
ئاشكراشیكرد، “بۆ ساڵی 2022 لە 652 سیڤی كە لەلایەن باڵیۆزخانە، كونسوڵگەرییەكان و نێردە دیپلۆماتییەكانی ئەمریكا لەسەرتاسەری جیهان سیڤی نێردراوە بۆ وەزارەتی دەرەوە، من و كەسێكیتر لە ئەفریقا دەستنیشانكراوین بۆ وەرگرتنی ئەم خەڵاتە”.
