بەشێک لە هاندەرانی یانەی ڕیاڵ سۆسیداد و تۆپی پێی ئیسپانیا بانگەشەی ئەوە دەکەن، لە تیروپشکی قۆناغی چارەکی کۆتایی جامی شای ئیسپانیا گزی بۆ یانەی بەرشلۆنە کراوە.
ئەکاونتێکی ئیسپانی بە ناوی “لارا” لە تۆڕی کۆمەڵایەتی تویتەر، تۆمارێکی ڤیدیۆیی کاتی بەڕێوەچوونی تیروپشکی قۆناغی چارەکی کۆتایی “کۆپا دێل رێ”ی بڵاوکردووەتەوە.
لە تۆمارەکەدا وا دەردەکەوێت ئەو کەسەی تیروپشکەکە ئەنجامدەدات، بەردەوام تۆپی بەرشلۆنە لەنێو دەستیدایە و هەر ئەو تۆپەش ڕادەکێشێت، پاشان تۆپی ڕکابەرەکان دیاریدەکات.
tiene la bola del Barça en todo el momento en la mano, es una puta vergüenza pic.twitter.com/1v8KTIzIeM
— Larra (@Larra_SSJ) January 20, 2023
لە وەڵامی ئەم تۆمەتانەدا بەشێکی دیکە لە هاندەران پرسیاریان کردووە، ئەگەر بەرشلۆنە گزی بۆکراوە، بۆچی سەرەڕای بوونی ئۆساسونا و چەند یانەیەکی لاوازتر، ڕکابەرەکەی یانەی ڕیاڵ سۆسیدادە، کە یەکێکە لە بەهێزترینەکانی ئیسپانیا؟
ئەوەش دەریدەخات کە بانگەشەی هاندەرانی سۆسیداد دروست نییە و گزی لە تیروپشکەکەدا نەکراوە.
