بەڕێوەبەری چاودێری و بازرگانیی سلێمانی رایدەگەیەنێت، نرخی هێلكە دابەزیوە و یەك كارتۆنی بە 64 هەزار دینارە، لەكاتێكدا هەفتەی رابردوو یەك كارتۆن هێلكە نرخەكەی بەرزبووەوە بۆ 79 هەزار دینار.
سۆران عەبدولغەفور بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، لە ئێستادا یەك كارتۆن هێلكە بە 64 هەزار دینارە و پێنج هێلكە بە هەزار دینار بە هاوڵاتییان دەفرۆشرێت، هەفتەی ڕابردوو نرخەكەی بەرزبووەوە بۆ 79 هەزار دینار.
ئاماژەی بۆ ئەوەش كرد، پێشتر بەرهەمی هێلكە دەنێردرا بۆ پارێزگاكانی باشوور و ناوەڕاستی عێراق ئێستا كەمتر رێگای پێدەدرێت ببرێتە خوارووی عێراق و بەهۆی بەرزبوونەوەی نرخەكەیەوە خواست لەسەری كەمبووەوە و ئاستی بەرهەمهێنانیش زیادیكردووە و هەموو ئەمانەش كاریگەری لەسەر دابەزینی نرخەكەی هەبووە.
