جولیان ناگیلسمان ، ڕاهێنەری بایرن میونشن بەناچاری ماتیاس دی لیختی بەرگریکاری لە پێکهاتەى یانەکەى بۆ یارییە دۆستانەکەى سالزبۆرگ دوورخستەوە کە بڕیارە هەینی ئەنجام بدرێت.
بایرن ئێستا لە دەوحەیە بۆ ئەنجامدانی کەمپێکی مەشق و ڕاهێنان تا ئەوکاتەی ڕکابەرییەکانی خولی ئەڵمانیا دەستپێدەکاتەوە.
دی لیخت لە کاتی ڕاهێنانەکاندا توشی پێکان بووە و چووە ڕیزی ئەو یاریزانانەى کە لەماوەى ڕابردوودا دوورکەوتونەتەوە.
هەریەک لە یاریزانان مانێ و گۆرێتیسکا و کومانیش لە ئێستادا بەهۆی پێکانەوە دوورکەوتونەتەوە و لەژێر چاودێری پزیشکیدان.
