لە دیمەنێکی سەرنجڕاکێشدا چەند گەشتیارێک ساتی لەدایکبوونی نەهەنگێکی رەنگ خۆڵەمێشی لە کەناراوەکانی دانا پۆینت لە کالیفۆرنیای ئەمریکا تۆماردەکەن.
لە چەند رۆژی رابردوودا لە کاتێكدا ژمارەیەک گەشتیار بە بەلەمێک لە ناوچە ئاوییەکانی دانا پۆینت لە ویلایەتی کالیفۆرنیای ئەمریکا سەرقاڵی گەشتێک بوون، نەهەنگێک لێیان نزیکدەبێتەوە کە سەرەتا وادەزانن بریندارە، بەڵام دواتر بۆیان دەردەکەوێت کە ساتی لەدایکبوونی بێچووەکەیەتی.
وەک لە گرتە ڤیدیۆکەدا دەردەکەوێت نەهەنگە گەورەکە لەدوای لەدایکبوونی بێچووەکەی بەیەکەوە لە گەشتیارەکان دووردەکەونەوە.
گەشتیارەکان باسیان لەوە کردووە، “خۆشترین گەشت بوو کە ئەنجامماندا و بوو بە جۆرێک لە ئاهەنگ، چونکە ئەزموونی لەو شێوەیە یەک جار لە تەمەندا دووبارە دەبێتەوە”.
