ئوسترالیا لە هەوڵدایە بۆ دانانی پلانێکی تایبەت بۆ کۆتاییهێنان بە دیاردەی جگەرەکێشان، ئامانجیەتی ڕێژەی جگەرەکێشان لەو وڵاتە کە لە ئێستادا 15%ە، تا ساڵی 2025 بۆ 10% كەمبكاتەوە.
بە سپۆنسەری زانکۆی کوینزلاند و کۆنسەی لێکۆڵینەوەی پزیشکی و تەندروستیی نیشتمانی، وڵاتی ئوسترالیا پلانێکی نوێی ئامادە كردووە بۆ کۆتاییهێنان بە دیاردەی جگەرەکێشان.
پلانەکە لەژێر ناوی “دەستپێکی کۆتایی گەمەی تووتن”ە و ئامانجیەتی تا پێنج ساڵی دیکە جگەرە تەنها لە دەرمانخانەکان و بە ڕەچەتەی پزیشک بفرۆشرێت.
لە یەکەم قۆناغی پلانەکەدا مامەڵەکردن بە تووتن سەخت دەکرێت و تەنها لە چەند شوێنێکی دیاریکراو ڕێگە بە فرۆشتنی دەدرێت.
ئامانجێکی دیکەی پلانەکە ئەوەیە لە دوای ساڵێکی دیاریکراوەوە کۆتایی بە مامەڵەکردن بە تووتن بهێندرێت و تەنها بە ڕەچەتەی پزیشک بفرۆشرێت.
ئوسترالیا یەکێکە لەو وڵاتانەی گرانترین نرخیان لەسەر جگەرە داناوە.
