نرخی زێڕ بەردەوامە لە بەرزبوونەوە و گەیشتە بەرزترین ئاستی حەوت مانگی رابردوو، نەوتیش بە قۆناغی سەقامگیریدا گوزەردەكات و نرخەكانی جێگیرن.
ئەمڕۆ چوارشەممە نرخی ئۆنسەیەك زێڕ نزیكەی حەوت دۆلاری چووەسەر و گەیشتە 1845.91 دۆلار، ئەمەش هاوكاتە لەگەڵ بەرزبوونەوەی نرخی زیو كە هۆقەیەكی گەیشتووە بە 24.2 دۆلار.
جیاواز لە بازاڕی خشڵ، ماوەی چەند رۆژێكە بازاڕی وزە جێگیرە و نەوتی خاو پارێزگاریی لەو بەرزبوونەوەیە كردووە كە لە ماوەی رابردوودا لە نرخەكاندا بەدەستیهێنا، ئەمڕۆ بەرمیلێك نەوتی برێنت بە 82.6 دۆلارە و تەنها سێ سەنتی نرخەكەی لەدەستداوە، نەوتی خاوی تەكساس بەرمیلێكی بە نزیكەی 77 دۆلارە.
