قائیمقامیەتی دەربەندیخان بڕیاری قەدەغەکردنی راوەماسیی لە بەنداوی دێوانە راگەیاند و لەمڕۆوە بڕیارەکە جێبەجێ دەکرێت.
لە راگەیەندراوێکدا قائیمقامیەتی دەربەندیخان ئاگادارییەکی بڵاوکردووەتەوە و رایگەیاندووە، راوەماسی لە بەنداوی دێوانە بەهەموو شێوەیەک قەدەغەیە.
بەپێی راگەیەندراوەکە، لە کۆبوونەوەی قائیمقامی قەزای دەربەندیخان و لێپرسراوی بەشی پۆلیسی دارستان و ژینگەی دەربەندیخان بەڕاوێژ و پەیوەندی لەگەڵ جێگرایەتیی داواکاری گشتیی قەزای دەربەندیخان، بڕیاردرا بە قەدەغەکردنی ڕاوی ماسی لە بەنداوی دێوانە.
ئاماژە بەوەشکراوە، لەدوای بڵاوکردنەوەی ئاگادارییەکەوە بە هەموو شێوەیەک ڕاوی ماسی قەدەغەیە لە بەنداوەکە و هەر راوچییەک راو بکات رووبەڕووی سزای یاسایی دەکرێتەوە.
