لە دوای 17 ساڵ لە هاوسەرگیریکردنی کچێکی تەمەن شەش ساڵان و بوونە دایکی منداڵێک لە تورکیا چیرۆکەکەی ئاشکرادەبێت و کاردانەوەی لێدەکەوێتەوە.
چیرۆکەکە لە ساڵی 2005 دەستپێدەکات، کاتێک کچێکی تەمەن شەش ساڵان لە ئیستانبوڵی تورکیا هاوسەرگیری لەگەڵ پیاوێک پێدەکرێت و دواتر و لە تەمەنی 14 ساڵیدا منداڵێکی دەبێت.
سەرەتای ئاشکرابوونی چیرۆکەکە بۆ مانگی ئەیلولی ئەمساڵ دەگەڕێتەوە کاتێک کچەکە بڕیاردەدات داوای یاسایی لەسەر باوکی و هاوسەرەکەی تۆماربکات کە لەوکاتەدا هۆکاربوون بۆ هاوسەرگیریکردنی لە تەمەنی منداڵیدا، دواتریش لە سەرەتای ئەم مانگەدا چیرۆکەکە گەیشتە میدیاکانی ئەو وڵاتە و کاردانەوەی توندی لێکەوتەوە و هەر بە زوویی باوک و دایک و هاوسەرەکەی دەستگیرکران.
بڕیارە لە 30 مانگی داهاتوو یەکەمین دانیشتنی دادگا لەبارەی تۆمەتبارانی ئەو رووداوە دەستپێبکات، گەر تاوانەکەشیان بەسەردا ساغببێتەوە ئەوا سزای زیندانیکردن بۆ ماوەیب 27ساڵ بەسەریاندا دەسەپێندرێت.
