وەزیری کۆچ و کۆچبەرانی عێراق رایگەیاند، ژمارەی هاوڵاتییانی عێراقی لە کەمپی هۆل لەسوریا هەشت هەزار کەسە و لەماوەی ئایندەدا دەست بە گەڕاندنەوەیان دەکرێت.
ئیڤان فایەق وەزیری کۆچ و کۆچبەرانی عێراق لە کۆنگرەیەکی رۆژنامەوانیدا رایگەیاند، “هەشت هەزار هاوڵاتیی عێراقی لە کەمپی هۆل ماونەتەوە، لە ئێستادا گەڕاندنەوەیان وەستێنراوە ئەویش بەهۆکاری ئامادەکاریی ئەمنی و وردبینیکردنی لە ناوەکانیان و دۆسییە ئەمنیەکانیان”.
ئاماژەی بەوەش کرد، “لەدویا کۆتاییهاتنی بۆنەکانی سەری ساڵ پرۆسەی گەڕاندنەوەی ئەو هاوڵاتییانە دەستپێدەکاتەوە”.
ئاشکراشی کرد، “یەکێک لەو کێشانەی گەڕاوەکان بۆیان دروست دەبێت نەبوونی ماڵ و حاڵ و شوێنی نیشتەجێبوونە، چونکە بەشێکیان خەڵكی شەنگالن ولەدوای ئاوارەبوونیان خانووەکانیان رووخێندراوە، پێویستە حکومەت و رێکخراوەکان کاربکەن بۆ دووبارە بونیادنانەوەیان”.
سەبارەت بە تێکەڵکردنی ئەو هاوڵاتییانە و تێکەڵکردنەوەیان بە هاوڵاتییانی ئاسایی ئیڤان فایەق وتی، “ئێمە دەمانەوێت تێکەڵ بە کۆمەڵگە ببنەوە، بەرنامەی تایبەتمان هەیە بۆ ئەمە، تەنانەت دەمانەوێت خۆیان شوێنێکیان بەلاوە گونجاو بێت لەوێ نیشتەجێببنەوە”.
ا
