دەروازەی نێودەوڵەتیی حاجی ئۆمەران ئاشکرایکرد، بەهۆی دەرنەچوونی لە پشکنین بڕی 13 تۆن و 160 کیلۆگرام هەنار بۆ وڵاتی ئێران گەڕاوەتەوە.
لە راگەیەندراوێکدا دەروازەی حاجی ئۆمەران بڵاویکردەوە، “ڕۆژی چوارشەممە بارهەڵگرێک هەنار کە بڕی 13 تۆن و 160 کیلۆگرام هەناری تێدابوو گەڕێنرایەوە بۆ وڵاتی ئێران بەهۆی دەرنەچوون لە پشکنین”.
بەپێی راگەیەندراوەکە، له‌لایه‌ن هۆبەی کەرەنتینەی کشتوکاڵی حاجی ئۆمەران پشکنینی بۆ ئه‌نجامدرا، به‌ڵام له‌پشكنیندا ده‌رنه‌چوو، چونکە هاوتا نیە لەگەڵ رێنماییەکانی هۆبەی کەرەنتینەی کشتوکاڵ بۆیە ڕێگە بە هاوردەکردنی نادرێت بۆ ناو هەرێمی کوردستان.
