لە ماڵێکی شاری بەغداد خزمەتکارێک بڕی 400 هەزار دۆلار و بڕێکی زۆر زێڕ و مۆبایل ئەو ماڵە دەدزێت کە کاری تێداکردووە.
میدیا عێراقییەکان بڵاویانکردەوە، “لە ناوچەی مەنسوری شاری بەغداد خزمەتکاری ماڵێک هەستاوە بە دزینی 400 هەزار دۆلار و 6 هەزار و 800 دۆلار و بڕێك زێڕ و چەند مۆبایلێکی دزیوە و هەڵاتووە”.
ئاماژەیان بەوەش کرد، “دزەکە ژنێکی ئەسیوپی بووە و دوای دەستپێکردنی لێکۆڵینەوەکانی پۆلیس توانراوە دەستگیربکرێت و دەست بەسەر پارە و کەلوپەلە دزراوەکاندا بگیرێت”.
ئاشکراشیانکرد، “پەیوەندی بە خاوەنی ماڵەکەوە کراوەتەوە و توانراوە سەرجەم ئەو پارە و ئاڵتون و مۆبایلانەی لێی دزراوە بۆی بگەڕێندرێتەوە، ئەویش لە بەرامبەردا داوایکردووە هیچ سزایەکی بەسەر دزەکەدا نەسەپێندرێت”.
