محەمەد شیاع سودانی سەرۆک وەزیرانی عێراق هۆشداری بە پارێزگارەکان دەدات سەبارەت بە بڕیاری راگەیاندنی پشوو بەهۆی خراپی رەوشی کەشوهەواوە.
باسم عەوادی وتەبێژی حکومەتی عێراق رایگەیاند، محەمەد شیاع سودانی سەرۆک وەزیرانی عێراق بە پارێزگارەکانی راگەیاندووە لە کاتی راگەیاندنی پشوو بە تایبەت پشووی ناوەندەکانی خوێندن پێویستە هۆکارێکی گرنگ و راستەقینە هەبێت، بە تایبەت لە کاتی گۆڕانکارییەکانی کەشوهەوادا.
ئاماژەی بەوەشکرد، سودانی داوایکردووە بە گرنگییەوە لە تەواوکردنی پرۆگرامەکانی خوێندن و پابەندبوون بە کاتی جێگیری دەوامکردن لە ناوەندەکانی خوێندن بڕوانن.
