پەرلەمانتارێكی فراكسیۆنی یەكێتی لە ئەنجومەنی نوێنەرانی عێراق رایدەگەیەنێت، بە هەوڵی سەرۆك بافڵ جەلال تاڵەبانی بەغداد 400 ملیار دینارەكە دەنێرێت و جەختیشدەكاتەوە، “پێشتر بڕیاری كاراكردنی لیژنەی ماددەی 140 و پرسی ناردنی بودجە بۆ هەرێم لە ماڵی مام لە بەغداد بڕیاریان لە بارەوە دراوە”.
د. بڕیار رەشید پەرلەمانتاری فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بە هەوڵی سەرۆك بافڵ بەغداد 400 ملیار دینارەكە دەنێرێت و پێشتر لە ماڵی مام بڕیار لەسەر كاراكردنی لیژنەی ماددەی 140 و ناردنی بودجە بۆ هەرێمی كوردستان دراوە.
ئاماژەی بۆ ئەوەش كرد، رۆژی شەممە سەرۆكی یەكێتی سەردانی بەغدادی كرد لەگەڵ محەمەد شیاع سودانی سەرۆك وەزیرانی عێراق كۆبووەتەوە و دڵنیایی داوە لە ناردنی ئەو 400 ملیار دینارە بۆ هەرێمی كوردستان و وتيشی، “وەكو فراكسیۆنی یەكێتی لە بەغداد داكۆكی لە ماف و شایستەی مووچەخۆران و هاوڵاتییانی هەرێمی كوردستان دەكەین”.
