بەڕێوەبەرایەتیی گشتیی ئاوەدانکردنەوە و نیشتەجێکردنی سلێمانی ڕایگەیاند، بەهۆی نۆژەنکردنەوە و چاکسازی لە تونێلی پێشڕەودا، لە شەوی 28ی ئەم مانگەوە، بۆ ماوەی چوار شەو تونێلەکە دادەخرێت.
ئاوەدانکردنەوەی سلێمانی هاوڵاتییانی ئاگادارکردووەتەوە، بۆماوەی چوار شەو و لە شەوی 28ی ئەم مانگەوە تا ڕۆژی یەکی مانگی داهاتوو کاتژمێر 8:00ی شەو تا کاتژمێر 2:00ی بەرەبەیان تونێلەکە دادەخرێت.
لەو ماوەیەدا کامێراکانی تونێلەکە پاکدەکرێنەوە و پشکنین بۆ پانکەی هەوابەری تونێلەکە دەکرێت، لەگەڵ ئەوەشدا چاکسازی لە گڵۆپەکاندا دەکرێت.
