وەرگرتنی چارەسەری پزیشكی بۆ كەسوكاری شەهیدان و ئەنفالكراوان لە نەخۆشخانە حکومییەکان بێبەرامبەر دەبێت و لە نەخۆشخانە ئەهلییەکانیش بە رێژەی 50٪ داشکاندنیان بۆ دەکرێت.
بە بڕیاری حکومەتی هەرێمی کوردستان، هەردوو وەزارەتی کاروباری شەهیدان و ئەنفالکراوان و تەندروستی رێككەوتوون بۆ کەسوکاری شەهیدان لە تەواوی بنکە و نەخۆشخانە حکومییەکان داشکاندنی 100٪ لە سەرجەم خزمەتگوزارییە تەندروستییەکاندا بکرێت.
بەپێی بڕیارەكە، هەر نەخۆشێکی کەسوکاری شەهیدان، سەردانی بنکە و نەخۆشخانە حکومییەکان بکات، بێبەرامبەر خزمەتگوزاریی تەندروستیی پێشکەشدەکرێت، لە نەخۆشخانە ئەهلییەکانیش بە رێژەی 50٪ داشکاندنی بۆ دەکرێت.
خزمەتگوزارییە تەندروستییەکان پێکدێن لە چارەسەر، پشکنین و نەشتەرگەری و جگە لە كەسوكاری شەهیدان و ئەنفالكراوان، زیندانییانی سیاسی و بەرکەوتووانی چەکی کیمیاییش دەگرێتەوە.
