پۆلیسی هەولێر دەستگیركردنی تۆمەتبارێك لەكاتی هەوڵدان بۆ دزیكردن رادەگەیەنێت و دەڵێت، بڕێك ماددەی هۆشبەریشی پێگیراوە.
بەڕێوەبەرایەتیی پۆلیسی پارێزگای هەولێر بڵاویكردەوە، لەلایەن هێزەكانی پۆلیسی فریاکەوتنەوە لە نزیک هۆتێل شیراتۆن لە شەقامی (30 مەتری) تۆمەتبارێک بە ناوی (م. ا. م.) لە کاتی هەوڵدان بۆ دزینی ماتۆڕسکیلێک دەستگیركرا.
تۆمەتبار بڕێک ماددەی هۆشبەر لە جۆری (کریستاڵ) و پاپی کێشانی ماددە هۆشبەرەکان و کەتەرێکی پێگیراوە، وەك ئەوەی پۆلیسی هەولێر دەیڵێت.
ئاماژەشدەدات، پەڕاوی لێکۆڵینەوەی بۆ رێکخرا و رادەستی دادگا کرا.
