ئەو بوکەڵەیەی بە تایبەت بۆ بەشداریکردن لە فیلمی بەناوبانگی ئی تی دروستکرا بە 2.6 ملیۆن دۆلار فرۆشرا.
دەزگای جولیانز بۆ زیادکردنی کەلوپەلە گرانبەهاکان بڵاویکردەوە، “هەفتەی رابردوو بوکەڵەکەی فیلمی ئی تی بە بەهای 2.6 ملیۆن دۆلار فرۆشراوە”.
ئاماژەی بەوەش کرد، “لە زیادکردنەکەدا 1300 خشڵ و پارچەی دیکە خراونەتە ڕوو کە لە فیلمە سینەماییەکاندا بەشداریان پێکراوە لەنێویشیاندا ئەو جووتە دەستکێشی بۆکسێنەی رۆبێرت دی نیرۆ لە فیلمی ریگینگ پوڵ و چەکوشەکەی فیلمی سۆر”.
هاوکات لەهەمان زیادکردندا یەکێک لە گسکەکانی فیلمی هاری پۆتەر بە بڕی 128 هەزار دۆلار فرۆشرا.
