قوباد تاڵەبانی سەردانی سەلاحەدین بەهادین- دەكات و هەردوولا جەخت لەسەر باشكردنی ژیانی هاوڵاتییان و چارەسەركردنی گرفتەكان لەگەڵ حكومەتی ناوەند دەكەنەوە.
قوباد تاڵەبانی، سەرپەرشتیاری مەکتەبی سکرتاریەتی سەرۆک مام جەلال، ئەمڕۆ لە هەولێر سەردانی سەلاحەدین محەمەد بەهادین، ئەمینداری گشتیی یەكگرتووی ئیسلامی كرد.
لە دیدارەكەدا هەردوولا بارودۆخی هەرێمی كوردستان و عێراقیان تاوتوێكرد و جەختیان كردەوە لە گرنگی پاراستنی مافی هاوڵاتییان و دابینكردنی خزمەتگوزاریی باشتر و چارەسەركردنی كێشەكان، هەروەها گرتنەبەری رێكاری دروست و گونجاو بۆ باشترکردنی بژێویی ژیانی هاوڵاتیان بە پێویستزانی، وەك ئەوەی لە راگەیەنراوی كۆبوونەوەكەدا هاتووە.
جەختیشكرایەوە لەسەر یەك دەنگی و یەكڕیزی لە رووبەڕووبوونەوەی ئالنگارییەكان و چارەسەرکردنی گرفتەکان لەگەڵ حکومەتی فیدراڵ پاڵپشت بە دەستور.
