تەرمی پیاوێكی نەناسراو دۆزراوەتەوە و بەشێك لە ئەندامەكانی جەستەی دزراون، وەك پۆلیس ئاشكرایكردووە.
ئەمڕۆ یەكشەممە پۆلیسی بەغداد رایگەیاند، تەرمێك لە ناوچەی پیشەسازیی پایتەخت لە نزیك كۆمەڵگەی نیشتەجێبوونی بەسمایە دۆزراوەتەوە، “پیاوێكی نەناسراوە و شوێنەواری دزینی چەند ئەندامێكی جەستەی پێوەدیارە”، بەبێ ئەوەی ناو و جۆری ئەندامەكان ئاشكرابكات.
بەپێی راگەیەندراوی هێزەكانی پۆلیس، تەرمەكە گواستراوەتەوە بۆ پزیشكیی دادی بە مەبەستی ناسینەوەی و رادەستكردنی بە كەسوكاری.
