سەرۆكی هەرێمی كوردستان لەگەڵ سەرۆكی هەنگاریا كۆبووەوە و دۆخی ئاوارە و پەنابەران و پێكهاتەكانیان تاوتوێكرد.
ئێوارهى ئهمڕۆ نێچيرڤان بارزانى، سهرۆكى ههرێمى كوردستان له ههولێر پێشوازى له کاتالین نۆڤاک، سهرۆكى ههنگاريا كرد.
له كۆبوونهوهيهكدا پهيوهندييهكانى ههنگاريا لهگهڵ عێراق و ههرێمى كوردستان، پرۆسهى سياسى و دۆخى عێراق بهگشتى، كێشهكانى ههولێر ـ بهغداد و گفتوگۆى چارهسهركردنى كێشهكانيان، شهڕى دژى تيرۆر و مهترسييهكانى داعش، دۆخى ئاواره و پهنابهران و پێكهاتهكان له ههرێمى كوردستان تاوتوێكران، وەك ئەوەی سەرۆكایەتیی هەرێم بڵاویكردووەتەوە.
دەشڵێت، ههردوولا جهختيان له خواستى دوولايهنه بۆ برهودان به پهيوهندييهكان و هاريكاريى هاوبهش له ههموو بوارهكاندا كردهوه، ههروهها بهردهواميى هاوكارى و پشتگيريى هاوپهيمانيى نێودهوڵهتييان بۆ عێراق و ههرێمى كوردستان به پێويستزانى بۆ بهرهنگاربوونهوهى تيرۆر و لهناوبردنى يهكجارهكيى داعش.
نێچيرڤان بارزانى سهردانهكهى به نيشانهى پشتگيرى له ههرێمى كوردستان له قهڵهم دا و سوپاس و پێزانينى ههرێمى كوردستانى بۆ پشتگيريى سهربازيى ههنگاريا بۆ عێراق و ههرێمى كوردستان له كاتى شهڕى دژى داعشدا، ههروهها يارمهتيى مرۆيييان بهتايبهتى بۆ مهسيحى و ئێزدييان دهربڕى.
لاى خۆيهوه کاتالین نۆڤاک سوپاس و پێزانينى وڵاتهكهى بۆ قوربانييهكان و رۆڵى پێشمهرگه له تێكشكاندنى داعشدا دهربڕى و بهردهواميى هاريكاريى هاوبهش و كارى پێكهوهى وڵاتهكهى لهگهڵ عێراق و ههرێمى كوردستان بۆ نههێشتنى تيرۆر دووپاتكردهوه، ههروهها داعش و تيرۆرى به مهترسى بۆ سهر ئازادى و ديموكراسى له قهڵهم دا و سوپاسى ههرێمى كوردستانى كرد بۆ پێكهوەژيان و لێبوردهيى و پاراستنى ئاواره و پهنابهران و پێكهاتهكان بهتايبهتيش پێكهاتهى مهسيحى و ئێزدى، وەك ئەوەی لە راگەیەندراوەكەدا هاتووە.
پهيوهندييهكانى عێراق و ههرێمى كوردستان لهگهڵ وڵاتانى دراوسێ و ناوچهكه، گرنگيى پاراستنى سهقامگيرى و سهروهريى عێراق، شهڕ له ئۆكراينا و لێكهوتهكانى و چهند پرسێكى ديكهى جێى بايهخى هاوبهش، تهوهرێكى ديكهى كۆبوونهوهكه بوو.
