بەکتریایەکی مەترسیدار بەریتانیای سەرقاڵکردووە، بەهۆی ئەوەی تا ئیستا نۆ منداڵی لەو وڵاتە کوشتووە و هەروەها پیاوێکی بەریتانی بەناوی ئەلێکس لویس کە تووشی بەکتریاکە بووە شێوازی دەم و لێوەکانی شێواندووە و نامۆ و ترسناک دەردەکەوێت.
یەکەمجار ئەلێکی 42 ساڵ هەستی بە تێکچوونی تەندروستیی کردووە، پێیوابووە تووشی ئەو نەخۆشییە بووە کە پێیدەڵێن ئەنفلوەنزای پیاوان، ئەلێکس رۆژ دوای رۆژ تەندروستیی زیاتر تێکدەچوو، نەخۆشییەکەی گەیشتە حاڵەتێک هەموو پەیوەندییەکی لەگەڵدا پچڕێنرا بۆ هەوڵدان لەپێناو مانەوە لە ژیاندا.
لە دوایین نیشانەکانی ئەلێکس لە کاتی تووشبوونی بە بەکتریاکە لەگەڵ توندبوونی زۆری ئازارەکەی رەنگی پێستیشی بۆ ئەرخەوانی گۆڕدرا، رەوانەی نەخۆشخانە کرا و پزیشکەکان تەنها چانسی 3%یانپێدا بۆ مانەوە لەژیاندا، چەند نەشتەرگەرییەکی قورسی بۆ ئەنجامدار، بەهۆیەوە هەموو پەلەکانی لەدەستدا، ئاشکرایانکرد ئەلێکس تووشی بەکتریای Strep A بووە و هەوکردنێکی زۆر لە جەستەیدا هەیە.
ژەهراوی بوونی ئەلێکس خوێنی جەستەی و قوڕگی گرتەوە، بووەهۆی تێکچوونی شێوازی دەم و لێوەکانی، ئەوەش وای لە پزیشکەکان کرد بگەنە ئەو ئەنجامەی مەترسیی بەکتریاکە کە تائێستا نۆ منداڵی کوشتووە بۆ پیاوانیش تا ئاستی گیانلەدەستدان مەترسیداربێت.
