وەزارەتی دادی عێراق بە پێی بڕیار و رێنماییەكانی وەزارەتی دارایی، فەرمانبەرە گرێبەستەكانی دەكاتە ھەمیشەیی.
خالید شوانی وەزیری دادی عێراق رایگەیاند، لەسەر بنەمای بڕیار و رێنماییەكانی وەزارەتی دارایی عێراق، سەرجەم رێكارە كارگێڕی و داراییەكانیان تەواوكردووە بە مەبەستی دامەزراندنی فەرمانبەرە گرێبەستەكانیان بە ھەمیشەیی بۆ ئەو فەرمانبەرانەی دوو ساڵ یاخود زیاتر خزمەتیان ھەیە لەگەڵ جێبەجێكردنی سەرجەم داواكارییەكانیان.
ئاماژەی بۆ ئەوەش كرد، بە وردیی چاودێری تەواوكردنی جێبەجێكردنی سەرجەم بڕیار و رێنماییەكانی وەزارەتی دارایی دەكەن تایبەت بە دامەزراندنی فەرمانبەری گرێبەست بە شێوەی ھەمیشەیی.
